[SEEREER] LES QUINZE POINTS DE LA REFORME CONSTITUTIONNELLE

1. A yoonand a keen xa lanq polotik axe fa a ñaaƈooƭ adna, kam a ƭaapooƭ mbodrand ;

2. A caɓan oxuu bugna te fog no nqixir ndod nuu refna, a farangeer no lanq o leng oo;

3. A saƭkin maatnooƭ a paan ake fa a £aatax xa kenand axe, took a keenin Mal Maak no Pokatoor Ngentand ke;

4. A caɓan xa £iy-saax axe haq qas lakas: haq o gen no widand o xoolu, haq o jegood lanq of fa haq o fog no cegel saxoor ke me genoona;

5. A saƭkin £iy-saax ne took a bondin bargal no £iy-saax ;

6. A takniid ndod no Yaal-saax le na xa qiid xa £etaq (5);

7. A saƭkin haq no ngendir polotik ne fo oxe adooxanuuna ; 8. A cil duleer waa ngeenooxan xa £iy Senegaal axe ndefna gilaa-saax no Nqel-saak le ;

9. A £aat doole Nqel-saak le no ke jofna na saytax callel maat ne fo a lii£ a ñaaƈnooƭ maat ake;

10. A £oxot, Mal Aa’as a Ƭat ale, a ƭat ake naa ƭaapteel a ñaaƈnooƭ saax le, de ƭeet ndax a yoona fo a Ƭat-ɗap le, boo te yaajandeel ;

11. A £aat lim no we mbogna no Mal Aa’as a Ƭat ale, xottin no 5 ɓisin na 7;

12. Oxe adooxanna Nqel-saax le a jilaa 2 no wiin 7 we naa mbogaa no Mal Aa’as a Ƭat ale ;

13. A yaajand xa baag Mal Aa’as a Ƭat ale boo de mbaag o layaa o ga’ooƭ den soo a nqate’aa ke yooneerna fo a Ƭat-ɗap le too a kalaame’el no tirbinaal a ƭikand xate le ;

14. A £aat xa tikoor a yaajand-maat fo a pudin-maat no a Ƭat-ɗap le no saax le;

15. A saxand faw, boo mbaagkataand o supit, keenne ke njofna no a todooƭ ale, o miñel ndod ne fo a toonrandoor tod ke no Yaal-saax le.

Kom naa 20 mars 2016, i yoon, in fop, njil IYO!